Como vos prometemos, aquí tedes o nome dos premiados nos concurso de Coplas do Entroido e no concurso literario sobre o amor.

Os premiados no concurso de Coplas son:

- 1º PREMIO: "Plan Urbanístico" (Os Puntos sobre o I)

- 2º PREMIO: "O Entroido" ( As Fra)

- 3º PREMIO: "Sen título" (Sandra Rey Oliveros, Yaiza Villarino Novás -2º A ESO- )

O premio único do concurso literario sobre "O Amor" é para: Eva Vilar Fernández (1º BACH C)

 

A entrega de premios realizarase o día 14 de marzo durante o transcurso do recital poético que terá lugar no salón de actos.

Aí tedes as coplas premiadas:

PLAN URBANÍSTICO

Ás tres da mañá escoito

o carallo da "grúa" soar,

pois a min fastídiame moito,

porque non me deixa sobar.

 

Ó cabo dun tempo escoitando,

miña mai vénme chamar,

pois vaia merda de noite!

o "piribí" non parou de soar.

 

Isto éche culpa do alcalde,

que non fai máis que manobrar

para non deixar durmir a xente

non fai máis que edificios chantar.

 

As rúas cheas de lama,

os obreiros asubiándolle á xente

porque hai cada un polo medio

que anda un pouquiño quente.

 

Mirando desde Mañente,

Marbella parece que é,

pois eu flipo coa xente

que os edificios non deixan nin ver.

 

O ENTROIDO

Xa está aquí o noso amigo entroido

si, este que tanto nos fai sorrir

coas comparsas e charangas

moito nos imos divertir.

 

Peliqueiros e cigarróns

son do entroido os campións

cabezudos e xigantes

comezan o entroido con moitas emocións.

 

Preparamos lambetadas

para tódalas idades

rosquillas e orellas

das mellores calidades.

 

Máscaras e antefaces

serpentinas e turutas

bourean o noso pobo

por tódalas rutas.

 

"SEN TÍTULO"

Esta semana estamos

moi cansados

pois nin no recreo

respiramos.

 

Estamos castigados

así que a aguantarnos

algo fixemos

pero non o sabemos.

 

Parece unha comedia

que se as persianas

baixas

e as luces apagadas.

 

Tamén queren poñer

unha liña amarela

e se a queremos pasar

teremos que pagar.

 

Isto é unha traxedia

o próximo, que será?

un traxe de raias

e nin saír a xogar?

 

Xa me tou confundindo

non sei onde estou

se nun instituto

ou nun campo de concentración.